მწვანე კონცხის პროექტში „ბოტანიკო“ გაყიდვები იწყება

„მწვანე კონცხი ბოტანიკო“ „სილქ როუდ ჯგუფისა“ და „ანაგი დეველოპმენტის“ ერთობლივი პროექტია. საცხოვრებელი კომპლექსი უნიკალურ სუბტროპიკულ ზონაში, ბათუმის ბოტანიკური ბაღის მიმდებარედ შენდება. პროექტის სრულ დაფინანსებას საქართველოს ბანკი უზრუნველყჰოფს. 1.5 ჰექტარზე განაწილებული კომპლექსი სრულფასოვანი დასვენების და განტვირთვისთვის აუცილებელ ყველა ელემენტს მოიცავს. კომპლექსის მთავარი ხიბლი აპარტამენტებიდან გაშლილი განუმეორებელი ზღვის პეიზაჟები და მშვიდი, კენჭებიანი სანაპიროს სიახლოვეა. საცხოვრებელი ფართები ისეა დაპროექტებული, რომ ყველა ბინიდან ზღვაზე 180-გრადუსიანი ხედი იშლება.

თანამედროვე არქიტექტურის გარემოსთან ჰარმონიული შერწყმა დეველოპერებისთვის უმთავრეს ამოცანას წარმოადგენდა. ისევე, როგორც მწვანე კონცხის – აჭრის სანაპიროს ერთ-ერთი ყველაზე მომხიბვლელი ადგილის – ბუნებრივი გამწვანების მაქსიმალურად შენარჩუნება და დაცვა. სუბტროპიკული მიკროკლიმატისა და საუკუნოვანი, უნიკალური კოლექციით განთქმული, ბოტანიკური ბაღის სიახლოვის გამო, „მწვანე კონცხი ბოტანიკოს“ შემოგარენი მრავალფეროვანი მცენარეული სამყაროთი გამოირჩევა.

„მწვანე კონცხი ბოტანიკო“ შედგება ორი დამოუკიდებელი 6 -სართულიანი საცხოვრებელი ბლოკისგან, რომელშიც განთავსებულია საერთაშორისო სტანდარტებით აშენებული 81 აპარტამენტი. ფართის დაახლოებით 30% უჭირავს ტერასებს, რაც მფლობელს ზღვასთან, მზესთან და ბუნებასთან სიახლოვის შეგრძნებას გაუჩენს. „მწვანე კონცხი ბოტანიკო“ იდეალურია ოჯახური, მშვიდი, კომფორტული დასვენებისთვის, რასაც ადგილმდებარეობა და სანაპიროს სიახლოვე განაპირობებს.“ – გიორგი მარრი, სილქ როუდ ჯგუფის“ უძრავი ქონების დირექტორი.